Uppistandarinn Bill Burr var með uppistand í Hörpu í apríl. Hann sagði ótrúlega sögu af veru sinni á Íslandi í þætti Jimmys Kimmels í gær, miðvikudag. Burr og fjölskylda hans voru í viku á Íslandi á meðan hann var í uppistandsferð um Evrópu.
Hann segist hafa verið á hól í Reykjavík að reykja vindil þegar kona nálgast hann og biður hann um að ýta sér niður hólinn. Í fyrstu hélt hann að þetta væri falin myndavél en lætur að lokum tilleiðast og ýtir konunni niður hólinn. Eftir að hafa rúllað niður hólinn stóð konan upp og sagði að það hefði verið blautt og fór aftur til hans og byrjaði að tala við hann. Fannst honum þetta allt mjög skrítið.
„Hún var frá Póllandi, svona er íslenskt fólk ekki,“ sagði Burr í lokin.
Burr er meðal annars með nýjan uppistandsþátt á Netflix þar sem ekkert er honum óviðkomandi. Gerir hann meðal annars grín að MeeToo-hreyfingunni og öðru kynferðislegu ofbeldi.