Hótaði að drepa ólétta eiginkonu bróður síns
Setja bókamerki
Backstreet Boys-söngvarinn Nick Carter hefur fengið tímabundið nálgunarbann gegn bróður sínum, Aaron Carter, fyrir sig og eiginkonu sína eftir að hann hótaði að drepa hana og ófætt barn þeirra.
Aaron segist hafa orðið hissa á ásökununum og segist ekki vilja valda neinum skaða, sérstaklega ekki fjölskyldu sinni. BBC greinir frá.
„Eftir að hafa íhugað málið vandlega höfum við Angel systir mín ákveðið að óska eftir nálgunarbanni gegn bróður okkar Aaron,“ sagði Nick Carter í gær þriðjudag.
„Í ljósi ógnvekjandi hegðunar hans og þeirrar játningar hans að hann hugsi um að drepa ólétta eiginkonu mína og ófætt barn okkar höfum við engra kosta völ til þess að tryggja öryggi okkar og fjölskyldunnar. Við elskum bróður okkar og vonum innilega að hann sæki sér þá hjálp sem hann þarf áður en hann skaðar sjálfan sig eða aðra,“ sagði Nick.
Aaron staðfesti nálgunarbannið á samfélagsmiðlum en neitaði að hafa sýnt ógnandi hegðun í garð þeirra. „Hafðu það gott, Nick Carter. Við þurfum ekki að eiga samskipti aftur í lífinu,“ sagði Aaron. Hann hefur glímt við bæði fíkni- og geðsjúkdóma í gegnum árin.
Í nýlegum þætti af The Doctors sagðist Aaron vera með persónuleikaröskun, geðklofa, ofsakvíða og þunglyndi.
Seinna sagði hann að það amaði ekkert að sér og þátturinn hefði verið klipptur þannig til að hann liti út fyrir að vera veikur, sem framleiðendur þáttanna neituðu.
Almannavarnir auka viðbúnað
Aðkoman í gripahúsið mjög slæm
Hæstiréttur staðfestir vanhæfi alls Landsréttar
Sárt að horfa upp á illa meðferð fjármuna
Ný staða uppi og óvissan meiri
Bjarkey stendur við skammarbréf Svandísar
Gerir ráð fyrir 150 samningum í næstu viku
Færa slökkviliðið til nútímans