Tónlistarmaðurinn Steven Tyler mætti með alla fjölskylduna á frumsýningu kvikmyndarinnar Ad Astra í Los Angeles í vikunni. Kærastan hans Aimee Preston mætti en líka dætur hans Liv Tyler og Chelsea Tyler en leikkonan Liv Tyler er eldri en kærasta pabba síns.
Tyler er 71 árs síðan í mars en fram kemur á vef Page Six að Preston sé ekki nema 32 ára eða 39 árum yngri en kærastinn.
Svo virðist sem Preston nái vel til dætranna sem er kannski ekki skrítið. Dæturnar eru örugglega öllu vanar frá rokkaranum pabba sínum auk þess sem hún er töluvert nær þeim í aldri en kærastanum. Preston starfaði eitt sinn sem aðstoðarkona rokkarans en þau hafa búið saman í að minnsta kosti þrjú ár.