Hljómsveitin Of Monsters and Men kemur fram í Ellen, einum vinsælasta spjallþætti Bandaríkjanna, í kvöld, en frá þessu greinir sveitin á Facebook og hvetur aðdáendur sína vestanhafs til þess að fylgjast með.
Of Monsters and Men er nú á tónleikaferðalagi um Bandaríkin, en þar hefur ný plata sveitarinnar, Fever Dream, hlotið afar góðar viðtökur. Platan kom út 26. júlí síðastliðinn og stökk beint inn í 9. sæti Billboard 200-listans.