Konur þáttarins eru brautryðjendur, þær Peggy Guggenheim og Patrisse Cullors. Peggy Guggenheim var frænka Solomon Guggenheim og var hún, líkt og frændi hennar, mikill listunnandi. Peggy bjargaði fjöldanum öllum af menningarlega mikilvægum málverkum undan klóm nasista og kallaði ekki allt ömmu sína þegar kom að því að vera til.
Patrisse Cullors er einna þekktust fyrir að vera stofnandi og drifkraftur Black Lives Matter-hreyfingarinnar sem orðin er að sjálfstæðu fyrirbæri um heim allan í dag. Patrisse hefur farið mikinn í aðgerðum innan fangelsiskerfis Bandaríkjanna og barist fyrir bættum kjörum svartra, innan kerfisins og utan.
Annar þáttastjórnenda, Tinna Haraldsdóttir, er varaformaður Femínistafélags Háskóla Íslands en félagið stendur fyrir bingói á Stúdentakjallaranum á morgun, miðvikudag, klukkan 20:30.