Beatrice prinsessa tilkynnti um trúlofun sína og Edoardo Mapelli Mozzi á dögunum. Hún er sögð helst helst vilja gifta sig á Ítalíu en mun þó líklega ekki gera það ömmu sinnar vegna. Sérfræðingur í bresku kóngafjölskyldunni heldur þessu fram í viðtali við OK að því er fram kemur á vef Express. 

Unnusti prinsessunnar sem er nú níunda í erfðaröð bresku krúnunnar er af fínum ítölskum ættum. Hjónin verðandi trúlofuðu sig í fríi við Amalfi-ströndina á Ítalíu og er Beatrice sögð vilja heiðra arfleifð Mozzi með því að gifta sig á Ítalíu. 

Frétt af mbl.is

Prinsessan fyrsta stjúpmóðirin

Amma Beatrice, Elísabet Englandsdrottning, er hætt að fljúga vegna aldurs og ef hún á að mæta í brúðkaupið verður það að vera á Englandi að sögn sérfræðingsins. Er Beatrice einnig sögð vilja geðjast öllum og því mun brúðkaupið líklega fara fram á Englandi enda sterk hefð fyrir brúðkaupum í Bretlandi í bresku konungfjölskyldunni. 

Talið er að brúðkaupið muni fara fram næsta vor en nú þegar hefur verið greint frá því að það verði á næsta ári. Kirkja heilags Georgs við Windsor-kastala kemur sterklega til greina en yngri systir Beatrice, Eugiene prinsessa, gifti sig þar í fyrra sem og hertogahjónin af Sussex, Harry og Meghan. 

Beatrice og Edoardo Mapelli Mozzi. AFP

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt