Leikarinn Josh Duhamel er kominn með nýja kærustu en sú heppna er fyrirsæta og fyrrverandi fegurðardrottning og heitir Audra Mari. Mari er 22 árum yngri en Hollywood-stjarnan sem verður 47 ára í nóvember.
Duhamel og Mari sáust kyssast á flugvelli í Toronto að því fram kemur á vef E! Birtust myndir af leikaranum og fyrrverandi ungfrú Bandaríkjanna í sleik fyrir utan Starbucks á flugvellinum.
Þetta er ekki í fyrsta skiptið sem parið sést saman en þau sáust saman á veitingastað í vor. Þau hafa hins vegar ekki formlega staðfest sambandið en kossinn á flugvellinum segir allt sem segja þarf.
Duhamel og tónlistarkonan Fergi sóttu um lögskilnað fyrr á árinu en tilkynntu um skilnað að borði og sæng í september 2017. Þau byrjuðu saman árið 2004 og eignuðust saman einn son árið 2013.
View this post on InstagramLet’s just do it all over again @kylagradin
A post shared by Audra Mari (@audramari) on Aug 27, 2019 at 10:08am PDT