Úr Bold and the Beautiful yfir í klámið

Ward er mætt í klámið.
Ward er mætt í klámið. Skjáskot/Instagram

Leikkonan Maitland Ward hefur vent kvæði sínu í kross og fært sig úr sápuóperunni yfir í klámiðnaðinn. 

Hin 42 ára gamla leikkona lék Jessicu Forrester í sápuóperunni Bold and the Beautiful á árunum 1994-1996. Hún var einnig ein af aðalleikkonum þáttanna Boy Meets World á árunum 1998 til 2000. 

Ward hefur daðrað við klámiðnaðinn síðustu ár og hefur birt ögrandi myndir á samfélagsmiðlum frá árinu 2013. Nú hefur hún tekið skrefið til fulls og skrifaði undir hjá klámmyndaframleiðslufyrirtæki í vor. 

Hún lék í sinni fyrstu klámmynd, Drive, fyrr á þessu ári. „Ég vissi ekki að það væri eitthvað í klámiðnaðinum sem væri svona vel gert. Ég las handritið og hugsaði með mér hversu vel þetta væri skrifað. Það voru svo mörg þemu í henni og persónan mín svo allt öðruvísi en allt annað sem ég hef leikið,“ sagði Ward.

Ward segir persónuna vera feimna til að byrja með en koma svo út úr skelinni. „Ég fékk virkilega að sleppa mér í þessari mynd og tjá mig eins og ég hef aldrei gert áður,“ sagði Ward.

mbl.is

Stjörnuspá »

Hrútur

Sign icon Finndu leið til að koma hugmyndum þínum á framfæri þannig að enginn misskilningur standi þeim í vegi. Dropinn holar bergið og einn góðan veðurdag fjölgar áhangendunum.

Stjörnuspá »

Hrútur

Sign icon Finndu leið til að koma hugmyndum þínum á framfæri þannig að enginn misskilningur standi þeim í vegi. Dropinn holar bergið og einn góðan veðurdag fjölgar áhangendunum.