Söngkonan Gwen Stefani varð fimmtug á dögunum, 3. október. No Doubt-stjarnan virðist þó ekkert hafa breyst í um 25 ár eða síðan hún sló í gegn með laginu Don't Speak. Lykillinn að síungu útliti hennar er líklega ljósa hárið og rauði varaliturinn.
Stjarnan hélt upp á afmælið sitt með sínum nánustu og sendi kærasti hennar, sveitasöngvarinn Blake Shelton, henni fallega afmæliskveðju á Twitter.
„Til hamingju með afmælið Gwen Stefani!!!! Ég elska þig svo mikið að það er eiginlega heimskulegt... Og mögulega ólöglegt í Kaliforníuríki,“ tísti Shelton.
Hér fyrir neðan má sjá hvernig Gwen Stefani hefur lítið breyst í gegnum árin.