Bróðir Katrínar genginn út

James Middleton, litli bróðir Katrínar hertogaynju, tilkynnti um trúlofun sína um helgina. Sú heppna er hin franska Alizee Thevenet. 

Middleton birti mynd af sér og unnustunni á Instagram og skrifaði að hún hafi sagt „oui“. Þau hafa verið í sambandi í 15 mánuði og fluttu saman inn fyrr í haust. Thevenet er þrítug, tveimur árum yngri en Middleton og vinnur í fjármálageiranum.

Middleton gaf Thevenet stæðilegan hring með dökkum demanti í, ekki ósvipuðum þeim sem Vilhjálmur gaf Katrínu þegar þau trúlofuðu sig árið 2010. 

• Blogga um frétt