Börn Karls Filips Svíaprins og Magdalenu Svíaprinsessu voru svipt titlum sínum í gær, mánudag. Tvö yngri börn Karls Gústavs Svíakóngs sendu frá sér tilkynningar eftir fréttirnar í gær. Þau Karl Filip og Magdalena eru bæði ánægð með þessi hlutskipti barna sinna.
Karl Filip og Sofía kona hans segja þetta jákvætt fyrir strákana sína, Alexander og Gabríel. Telja þau nú að þeir standi frammi fyrir fleiri valmöguleikum.
Magdalena prinsessa og eiginmaður hennar, Chris O'Neill, eiga þrjú börn á aldrinum eins árs til fimm ára. Segir hún breytingarnar hafa verið lengi á dagskrá. Prinsessan og eiginmaður hennar eru mjög sátt við breytingarnar og rétt eins og Karl Filip telja þau börn sín eiga meiri möguleika á því að móta sína eigin framtíð sem einstaklingar.
View this post on InstagramA post shared by Princess Madeleine of Sweden (@princess_madeleine_of_sweden) on Oct 7, 2019 at 5:59am PDT