Fatafellurnar ósáttar við tekjutap

Fatafellurnar sem vinna á staðnum Show Palace í New York eru ósáttar við það tekjutap sem þær urðu fyrir þegar staðnum var lokað um tíma á meðan tökur á kvikmyndinni Hustlers fóru fram. 

Kvikmyndin Hustlers fjallar um fatafellur og er byggð á raunverulegum atburðum. Í henni leika meðal annars Jennifer Lopez, Cardi Bn Lizzo og Constance Wu. 

Ein af fatafellunum, Rosie Keo, er ósátt við hvernig staðið var að málum í kringum tökur á kvikmyndinni. Hún segir að Show Palace hafi átt að krefjast þess að framleiðslufyrirtækið greiddi tekjutap fatafellanna á meðan staðurinn var lokaður. 

Show Palace var lokað í viku á meðan kvikmyndin var tekin upp þar og misstu hún og starfssystur hennar af tekjum þann tíma. Keo segir það afskaplega slæmt fyrir sig og konur í sinni starfsstétt.

• Blogga um frétt