Breski leikarinn Pierce Brosnan þakkar Húsvíkingum fyrir gestrisnina í nýjustu færslu sinni á Instagram. Leikarinn kom til Húsavíkur á fimmtudag og kvaddi Norðurlandið síðdegis í gær.
Brosnan var á Húsavík við tökur á Eurovision-kvikmynd Will Ferrel og fóru tökur meðal annars fram úti á Skjálfandaflóa. Leikarinn virðist hafa notið veru sinnar á Íslandi en veðrið var afbragðsgott um helgina, þrátt fyrir að snjóað hafi á Hollywood-stjörnurnar aðfaranótt laugardags. Veður var bjart og stillt bæði laugardag og sunnudag, en þó heldur kalt.
View this post on InstagramA post shared by Pierce Brosnan (@piercebrosnanofficial) on Oct 13, 2019 at 3:30pm PDT