Spánverjar hafa ekki riðið feitum hesti frá Söngvakeppni evrópskra sjónvarpstöðva síðustu ár. Vonast er til þess að tónlistarmaðurinn Blas Cantó breyti því í Rotterdam á næsta ári en Cantó er að minnsta kosti afar spenntur. 

Búið er að velja flytjandann en ekki lagið. Fram kemur á vef ESC Today að spænska sjónvarpið vinni nú hörðum höndum með Cantó og teymi hans að laginu. Cantó tók upp á því að biðja um hjálp aðdáenda sinna á Instagram. Bað hann þá um að skilja eftir hugmyndir að yrkisefnum fyrir Eurovision-lagið í athugasemdum. 

Segja má að langþráður draumur hjá hinum 27 ára gamla Cantó sé nú að rætast en hann hefur bæði reynt að taka þátti í Eurovision-keppni barna og sem hluti af strákabandinu Auryn í stóru keppninni en hafði ekki erindi sem erfiði. Hann var nálægt því með Auryn en árið 2011 lenti strákabandið í öðru sæti í forkeppni Eurovision á Spáni.

Fyrir utan misheppnaðar tilraunir til þess að komast í Eurovision hefur Cantó gefið út fimm plötur en aðeins eina sólóplötu. Lag hans El No Soy Yo varð afar vinsælt á Spáni þegar það kom út í fyrra og hafa vel yfir 65 milljónir horft á myndbandið við lagið á Youtube. 

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt