„Hittir mig beint í hjartastað“
Setja bókamerki
Harry Bretaprins brast nánast í grát þegar hann ávarpaði verðlaunaathöfn samtaka langveikra barna og aðstandenda þeirra í London í gær, en hann er verndari samtakanna WellChild.
Hann rifjaði upp þegar hann var viðstaddur samkomuna í fyrra ásamt eiginkonu sinni, Meghan Markle, þegar aðeins þau vissu að þau ættu von á barni.
„Ég man...“ sagði Harry, áður en rödd hans brast lítillega og hann baðst afsökunar áður en hann hélt áfram. „Ég kreisti hönd Meghan svo fast á meðan verðlaunaafhendingunni stóð. Við vorum bæði að hugsa hvernig það yrði að verða foreldrar einn daginn,“ sagði Harry.
Hægt er að sjá myndskeið BBC hér í rammanum fyrir neðan.
Hann sagðist einnig hafa hugsað til þess að þau myndu gera allt sem þau geta til að vernda barnið og hjálpa því, myndi það ekki fæðast við fulla heilsu og þurfa að glíma við heilsufarsáskoranir.
Líkt og alheimur veit fæddist sonur Harry og Meghan, Archie litli, 6. maí síðastliðinn, heilbrigður og hraustur.
„Í dag, sem foreldrar, að vera hér og tala við ykkur hittir mig beint í hjartastað með þeim hætti sem ég skildi ekki áður en ég eignaðist mitt eigið barn,“ sagði Harry.
Fiskikóngurinn: „Mér fannst sárt að heyra það“
Moses Hightower og Prins Póló gefa út eyjalag
Íslendingar ein mest einmana þjóð heims
Átta morðmál á aðeins tólf mánuðum
Búið að bólusetja börn alla helgina
Bifreið ekið á skrifstofu Útlendingastofnunar