Þáttaröðin Venjulegt fólk sem hefur fengið frábærar viðtökur hér á landi í Sjónvarpi Símans er á leið vestur um haf. MHz Networks hefur keypt sýningarréttinn á þáttaröðinni sem mun fara í dreifingu í Bandaríkjunum. Mhz Networks er frjáls og óháður fjölmiðill sem hefur sýnt talsvert af efni sem kemur utan Bandaríkjanna.

„Þetta er mikil viðurkenning fyrir íslenska kvikmyndagerð en áhugi fyrir efni frá Norðurlöndunum hefur aukist stórkostlega á undanförnum árum,“ segja aðstandendur þáttanna í fréttatilkynningu.

Það er Glassriver sem framleiðir þættina í samstarfi við Símann en fyrirtækið er í eigu Baldvinz Z., Harðar Rúnarssonar, Arnbjargar Hafliðadóttur, Andra Óttarssonar  og Andra Ómarssonar.  

Með aðalhlutverk í þáttunum fara þær Vala Kristín, Júlíana Sara, Hilmar Guðjónsson og Arnmundur Ernst. Vala og Júlíana skrifa þættina ásamt Dóra DNA og Fannari Sveinssyni en hann leikstýrir einnig þáttunum. Þáttaraðirnar tvær af Venjulegu fólki eru sem fyrr segir aðgengilegar í Sjónvarpi Símans Premium. 

Tengdar fréttir

Venjulegt fólk

Gefur út sitt fyrsta lag og fer svo til Frakklands

• „Stjúpmamma mín á stóran þátt í þessu og var rosalega góður stuðningur“
• Fannar og Júlíana Sara með eins háralit
• „Það er eins og þú sért fangi“
• Jólasveinninn veit ekki að ég er 180

» Fleiri tengdar fréttir

• Blogga um frétt