Björk í Terminator VI

Kvikmyndin Terminator: Dark Fate hefur þegar halað inn 130 milljónir dala fyrstu sýningarvikuna. Kvikmyndin er sú sjötta sem gerð er um Tortímandann. Fyrsta myndin var frumsýnd 1984 og skartaði þá Arnold Schwarzenegger og Lindu Hamilton í aðalhlutverkum. Þau snúa aftur í nýjustu myndinni. 

Tónlistin í Terminator: Dark Fate er komin í dreifingu. 

Opnunarlagið er ábreiða af Hunter, lagi Bjarkar Guðmundsdóttur af plötunni Homogenic sem kom út árið 1997. 

Það er RIYA ásamt John Mark McMillan sem flytur ábreiðuna. Lagið tekur á sig nýja mynd með því að karlmaður syngur textann. 

Tónlist Bjarkar hefur oftsinnis komið fyrir í kvikmyndum. Þá samdi hún tónlist fyrir kvikmyndina Dancer in the Dark sem kom út á plötunni Selmasongs. 

• Blogga um frétt