Handtekinn aftur — nú fyrir líkamsárás

Breski rokkarinn Pete Doherty er búinn að eiga erfiða helgi í París. Hann var handtekinn fyrir líkamsárás á öldurhúsi þar í borg í dag, einungis degi eftir að hafa verið sleppt úr haldi lögreglu fyrir kókaínkaup.

Samkvæmt frétt AFP um vandræði Doherty var hann drukkinn og lenti í slagsmálum. Lögfræðingur Doherty staðfestir að tónlistarmaðurinn hafi verið kærður fyrir líkamsárás.

Frétt af mbl.is

Nappaður við kókaínkaup í París

Doherty hefur átt í miklu basli með fíknivanda sinn allt frá því að honum skaut frá á sjónarsviðið með hljómsveitinni The Libertines á fyrstu árum aldarinnar. Árið 2012 var honum vísað úr lúxus-vímuefnameðferð á Taílandi, eftir að kvartað var undan því að hann hefði slæm áhrif á aðra sjúklinga og að hann legði sig ekki fram við að reyna að afnetjast heróíni.

Lögfræðingur hans sagði við fjölmiðla eftir að honum var sleppt úr fangelsi í gær að Doherty hefði fallist á að leggjast inn á sjúkrahús vegna fíknar sinnar.

Í dag fór hann hins vegar út og fékk sér nokkra drykki, sem endaði með því að hann er kominn aftur í hald lögreglu.

• Blogga um frétt