Tvö hús brunnu á landareign leikarans Russell Crowe í skógareldum sem geisa nú í Ástralíu. Crowe birti myndir á Twitter og skrifaði að hann væri almennt heppinn, engin húsdýr hafi drepist og allir hestarnir væru við hestaheilsu.
Crowe er frá Nýja-Sjálandi en hefur búið í Ástralíu stóran hluta af ævi sinni. Hann á um 400 hektara land í austurhluta Ástralíu.
Nágrannakona hans Debbie Waldon sagði í fréttum í Ástralíu í gær að hún væri reið því að allir slökkviliðsmennirnir drífi sig til Crowe. „Ég er reið því að hús vina minna þarna brennur og allir slökkviliðsbílarnir fara til Russell Crowe. Hvað með venjulegt fólk?“
Slökkviliðsmenn náðu að bjarga húsi aðeins 2,5 kílómetra frá húsi leikarans. Þeir taka fyrir það að hann fái einhverja sér meðferð. „Slökkviliðsmenn vita ekki heim til hverra þeir eru sendir þegar þeir fara í útkall. Þeir sem vinna úr lofti hafa ekki hugmynd um það heldur,“ sagði talsmaður slökkviliðsins í Ástralíu.
Lost a couple of buildings , but overall very lucky so far.
— Russell Crowe (@russellcrowe) November 12, 2019
Chapel roof scorched.
Deepest thanks to everyone on the ground.
Some fires still burning and we are out of water.
No livestock deaths to date.
Horses ok.
Let the chickens out and they are back, warm worms for breakfast! pic.twitter.com/kaKJ351MXC