Þeir Davíð Svanur Hafþórsson og Hjörtur Sigurðsson úr félagsmiðstöðinni Afdrep Snæfellsbæ stóðu uppi sem sigurvegarar eftir Rímnaflæði 2019, rappkeppni unga fólksins með laginu „Leiðinlegir dagar. Góð stemmning var í troðfullum Fellahelli í Fellaskóla, en keppnin var nú haldin í 20. skipti.
Í öðru sæti var Viktor Örn Hjálmarsson úr félagsmiðstöðinni Þruman með lagið „Ferillinn“ og í þriðja sæti lenti Sindri Sigurjónsson úr félagsmiðstöðinni Tvisturinn Hvolsvelli sem rappaði lagið „Hratt-Satt“.
Þess má geta að í ár röppuðu allir keppendur á íslensku.
Dómnefndina skipuðu þau Árni Matthíasson, Ragna Kjartansdóttir og Sölvi Blöndal.