Hver var Íslendingurinn í The Crown?
Setja bókamerki
Tengdar fréttir
Kóngafólk í fjölmiðlum
Þriðja þáttaröðin af hinum geysivinsælu Netflix-þáttum The Crown var frumsýnd um helgina en þættirnir fjalla um valdatíð Elísabetar Bretadrottningar. Það þarf ekki að horfa á marga þætti þangað til íslenskt nafn kemur fyrir. Stóra spurningin er þó var þessi íslenski maður sem nefndur er á nafn til í alvörunni eða er hann bara skálduð persóna?
Í öðrum þætti er verið að fara yfir dagskrá Elísabetar. Þar er henni meðal annars tilkynnt að hún þurfi að hitta nýjan sendiherra Íslands, Guðmund Guðmundsson.
Miðað við aðra sögulega atburði í þættinum gerist þátturinn árið 1965. Svo vill einmitt til að Guðmundur Í. Guðmundsson, fyrrverandi utanríkisráðherra, fjármálaráðaherra og þingmaður Alþýðuflokksins, var skipaður sendiherra í Stóra-Bretlandi og Hollandi með aðsetur í Lundúnum sama ár.
Guðmundur, sem lést árið 1987, kom víða við og hitti greinilega margt fólk í starfi sínu í utanríkisþjónustu Íslands. Hann gegndi seinna fleiri sendiherrastöðum en það verður að teljast ólíklegt að hann hafi grunað að nafni hans ætti eftir að bregða fyrir í einum vinsælasta þætti heims rúmlega þrjátíu árum eftir lát hans.
Tengdar fréttir
Kóngafólk í fjölmiðlum
Æskuvinur Íslendings myrtur í Noregi
„Okkur miðar í rétta átt“
Hernaðaraðstoð samþykkt – Vopnasendingar í vikunni
Verðbólgan komin niður í 6%
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi
„Þetta náttúrulega endar með ósköpum“
Vona að Orkustofnun veiti ekki virkjunarleyfi