Leitaði að bílnum í 25 mínútur

Stundum er fræga fólkið alveg eins og við venjulega fólkið eða jafnvel verra. Leikkonan Jennifer Garner birti á dögunum þetta myndband af sjálfri sér þar sem hún leitaði að bílnum sínum í bílastæðahúsi. 

Garner greyið hafði verið að leita að bílnum í um 10 mínútur þegar vinkona hennar byrjaði að taka hana upp. Á endanum fann Garner bílinn eftir 25 mínútna leit. 

Leikkonan var alveg handviss um að hún hafi lagt bílnum sínum á svæði Y. Á endanum fannst bíllinn á svæði F og grínaðist hún um að það væri argasti dónaskapur að færa bílinn hennar. 

Undir myndbandið skrifaði Garner: „Mig langar að segja ykkur að þetta var afmarkað tilvik, en ....“ og gaf þar með til kynna að hún hafi lent oftar en einu sinni í þessu. 

• 1 blogg um fréttina

Bloggað um fréttina

• Ómar Ragnarsson: Leitaði í hálftíma að götu í Kópavoginum.