Of þybbinn til að leika Bond

Leikaranum Henry Cavill var sagt að hann væri of þybbinn til að fá hlutverk James Bond þegar hann fór í áheyrnarprufur fyrir hlutverkið. 

Þetta var fyrir um 15 árum og Cavill enn ungur að árum. Áheyrnarprufan fól það í sér að hann þyrfti að labba um á handklæðinu. „Ég hefði örugglega getað undirbúið mig betur. Ég man eftir að leikstjórinn Martin Campbell sagði „Þú ert smá þybbinn þarna Henry.“ Ég vissi ekki hvernig ég átti að æfa eða borða,“ sagði Cavill í viðtali við Men's Health.

Cavill segir að það hafi hjálpað honum að fá að heyra sannleikann og þá áttaði hann sig á því að hann kynni ekki að undirbúa sig almennilega fyrir hlutverk. Þótt hann hafi misst hlutverkið til Daniel Craig átti hann síðar eftir að leika Superman.

• Blogga um frétt