Rithöfundurinn Susan Choi hreppti bandarísku National Book-verðlaunin fyrir fimmtu skáldsögu sína, Trust Exercise en hún hefur hlotið mikið lof gagnrýnenda. Sagan gerist í listaskóla og segir frá ástum tveggja nemenda. Samkvæmt The New York Times hrósaði dómnefnd formfastri póstmóderníski byggingu heillandi sögunnar.
The Yellow House eftir Sarah M. Broom hrepti verðlaunin í flokki ævisagna og óskáldaðra verka en hún byggist á minningum höfundarins um heimili fjölskyldunnar í New Orleans og hvernig hún leystist upp í eftir að fellibylurinn Katrina lagði hluta borgarinnar í rúst. Skáldsaga ungverska höfundarins László Krasznahorkai Baron Wenckheim's Homecoming var valin besta þýðingin sem kom út í Bandaríkjunum á liðnu ári og deilir hann verðlaununum með þýðandanum, Ottilie Mulzet. Þýðingaverðlaunin voru fyrst afhent í fyrra.
Besta skáldsaga fyrir börn var valin 1919 The Year That Changed America eftir Martin W. Sandler, og Sight Lines eftir Arthur Sze hreppti verðlaunin fyrir bestu ljóðabókina. Þá hlaut rithöfundurinn og gagnrýnandinn Edmund White sérstök heiðursverðlaun.