Íslandsvinurinn Justin Timberlake komst í fjölmiðla um helgina fyrir að halda í hönd mótleikkonu sinnar, Alishu Wainwright, á skemmtistað. Timberlake og Wainwright leika nú saman í kvikmyndinni Palmer í New Orleans. Heimildarmenn segja þó Timberlake og Wainwright bara vini. 

Myndir af þeim Timberlake og Wainwright birtust á vef breska götublaðsins The Sun. Er Timberlake sagður hafa litið út fyrir að vera mjög drukkinn en hann sást meðal annars halda í hönd hennar og Wainwright sást einnig hvíla aðra höndina á læri söngvarans. 

Justin Timberlake er kvæntur Jessicu Biel. AFP

Aðrir erlendir miðlar hafa fjallað um málið og segja heimildarmenn myndirnar hafa gefið ranga mynd af sambandi þeirra Timberlake og Wainwright. 

Heimildarmaður People sem var á staðnum segir að ekkert hafi átt sér stað. Segir hann að samskipti þeirra hafi verið sakleysisleg. Timberlake og Wainwright voru með fullt af öðru fólki úti að skemmta sér. 

Heimildarmenn ET segja að Timberlake og Wainwright séu eins og systkini og að þetta kvöld hafi leikarar og tökulið farið út að skemmta sér, ekkert meira. Þar að auki segir talsmaður leikkonunnar að ekkert sé hæft í fréttum um þau Wainwright og Timberlake. 

Justin Timberlake kvæntist leikkonunni Jessicu Biel árið 2012 og saman eiga þau fjögurra ára gamlan son. 

Tengdar fréttir

Justin Timberlake

Sagður hafa haldið framhjá með Playboy-fyrirsætu

• Justin Timberlake vill frelsun Britney Spears
• Timberlake biður eiginkonu sína afsökunar
• Náði eiginmanni sínum vel
• Timberlake á íslensku fjalli

» Fleiri tengdar fréttir

• Blogga um frétt