Villi lögmaður leiðinlegasti fyrrverandi Línu Birgittu

Áhrifavaldurinn Lína Birgitta Sigurðardóttir sagði Vilhjálm H. Vilhjálmsson lögmann leiðinlegasta fyrrverandi maka sinn í Burning Questions-þætti Áttunnar. 

Lína var gestur Egils Ploder í Burning Questions þar sem gestir verða að svara erfiðum spurningum Egils. Hann bað Línu um að raða upp fyrrverandi mökum sínum í röð frá þeim leiðinlegasta til þess skemmtilegasta. 

Fyrrverandi makar Línu eru, auk Vilhjálms, Ragga Hólm plötusnúður, Sverrir Bergmann tónlistarmaður og framkvæmdastjórinn Elmar Örn Guðmundsson. 

Vilhjálmur lenti á botninum hjá Línu. „Ég set Villa í síðasta sætið. Hann er samt ekki leiðinlegur, alls ekki,“ sagði Lína þó. 

Hún sagði Sverri Bergmann vera þann skemmtilegasta, Röggu næstskemmtilegasta og Elmar vermir þriðja sætið hjá Línu. Þáttinn má sjá í heild sinni hér fyrir neðan.

• Blogga um frétt