Margir mættu í dag þegar Tolli Morthens var, hefðinni samkvæmt, með opið hús á vinnustofu á Laugarnestanganum í Reykjavík. Að fagna fullveldi Íslands, sem næst fullveldisdeginum 1. desember, er inntak hátíðarinnar, en að maður sé manns gaman er þó kannski heila málið.
Bryddað var upp á ýmsu skemmtilegu hjá Tolla í dag. Dóttir hans, Ásdís Þula Þorláksdóttir, las þar ljóð upp úr ljóðabókinni Sólstöfum sem hún gaf út nýlega. Þá las Einar Már Guðmundsson ljóð upp úr nýrri bók sinni Til þeirra sem málið varðar. Síðast en ekki síst má nefa Bubba, bróður Tolla, sem las ljóð og spilaði á gítarinnar. Segja má að það séu fastir liðir að Einar Már og Bubbi komi fram á þessari fullveldis- og aðventuhátíð Tolla, en þeir þrír ólust upp um lítt leyti í Vogahverfinu í Reykjavík.
Raunar sýndi Bubbbi á sér nýja og skemmtilega hlið í Laugarnesinu í dag hvar hann sýndi málverk sem vísa til nokkurra þeirra laga sem hann hefur samið og sungið. Má þarna nefna lögin Svartan afgan, Öskur trúðsins, Hiroshima og fleiri sem öll eru fólkinu í landinu að góðu kunn.