Leikkonan Jennifer Aniston kom spjallþáttastjórnandanum Jimmy Kimmel á óvart á miðvikudagskvöldið þegar hún bauð honum upp á enchiladas í þakkargjörðarmatarboði.
Kimmel og Aniston ásamt fleiri vinum sínum halda upp á þakkagjörðarhátíðina á miðvikudagskvöldinu fyrir þakkargjörðardaginn á ári hverju. Þegar Aniston var gestur Kimmel í spjallþætti hans í desember í fyrra kvartaði hann yfir matnum sem Aniston bauð upp á.
View this post on InstagramOk, @jimmykimmel... here are your f*%king Friendsgiving enchiladas.
A post shared by Jennifer Aniston (@jenniferaniston) on Nov 28, 2019 at 4:23am PST
Kimmel lagði til að Aniston myndi bjóða upp á einhvern annan mat en hefðbundin þakkargjörðarkalkún. Hann sagði að fyrst hann borðaði kalkún hjá Aniston á miðvikudagskvöldinu þá liði honum alltaf eins og hann væri að borða afganga á sjálfan þakkargjörðardaginn. Hann stakk til dæmis upp á mexíkanska réttinum enchiladas.
Aniston tók hann á orðinu og meðal veitinga á miðvikudagskvöldið hjá Aniston voru enchiladas. Hún skrifaði í færslu á Instagram að þarna væru þessar „fjandans enchiladas“ sem hann hefði endilega beðið um.