Tónlistarmaðurinn Jason Derulo segir að það gildi ekki það sama um karla og konur þegar kemur að myndbirtingu á Instagram. Instagram eyddi mynd sem hann hafði birt af sér berum að ofan.
Í skýringu Instagram kemur fram að ástæðan fyrir að myndinni var eytt sé vegna þess að mótað hafi fyrir getnaðarlim hans í fullri reisn á myndinni. Derulo sagði í viðtali við TMZ að hann hafi ekki verið í fullri reisn á myndinni.
Hann var spurður hvort hann ætlaði að prófa að birta aftur mynd af sér á nærfötum eða sundfötum og hann sagðist ekki vera viss um það. Derulo sagði að það sama gilti ekki um karla og konur þegar kemur að fáklæddum myndbirtingum á Instagram. Hann ætlaði þó að hafa samband við Instagram og spyrja hvers konar myndir mættu birtast á miðlinum.