Bandaríski leikarinn Ron Leibman er látinn 82 ára að aldri en hann er hvað þekktastur fyrir að leika föður Rachel Green, Leonard, í gamanþáttunum Friends.
Haft er eftir umboðsmanni Leibman á fréttavef breska ríkisútvarpsins BBC að banamein hans hafi verið lungnabólga en hann var fæddur í New York í Bandaríkjunum árið 1937.
Leibman átti að baki langan leikferil og hlaut meðal annars Emmy-verðlaun árið 1979 fyrir leik sinn í sjónvarpsþáttunum Kaz og Tony-verðlaun fyrir leik sinni í leikritinu Angels in America.
Hér má sjá eitt af þeim atriðum sem Leibman lék í í Friends.