Tónlistarkonan Lizzo sýndi hálfberan bossann á körfuboltaleik í Los Angeles í Bandaríkjunum á sunnudagskvöldið.
Los Angeles Lakers og the Minnesota Timberwolves öttu kappi þetta kvöld og var tónlistarkonan á besta stað í húsinu til að fylgjast með leiknum. Í leikhléi í leiknum var vinsælt lag Lizzo, Juice, spilað.
Tónlistarkonan réði sér ekki fyrir kátínu og hristi mjaðmirnar í takt við tónlistina. Í kjölfarið kom í ljós að kjóllinn sem hún var í var ekki sem hann sýndist því myndarlegt gat var á afturendanum og blasti svartur g-strengur við áhorfendum.