Forsala á tónleika tónlistarmannsins Khalid hefst klukkan 12 í dag en miðasala fer fram á Tix.is. Tónleikarnir fara fram þriðjudaginn 25. ágúst á næsta ári í Laugardalshöllinni.
Khalid er einn allra heitasti tónlistamaður veraldar um þessar mundir og var nýlega titlaður einn áhrifamesti einstaklingur heims af Time 2019.
Khalid sló fyrst í gegn með laginu Location árið 2016. Hann gaf út sína fyrstu plötu, American Teen, árið 2017 sem innihélt Location auk Young Dumb & Broke, sem einnig sló rækilega í gegn. Hann hefur síðan toppað vinsældalista um allan heim stanslaust og hlotið fimm Grammy-tilnefningar.
Forsala miða hefst klukkan 12 í dag en hægt er að skrá sig í stafræna röð frá klukkan 11:30. Almenn miðasala hefst svo á morgun klukkan 12 á Tix.is.