Stórstjörnurnar Charlize Theron, Nicole Kidman og Margot Robbie fara með aðalhlutverkin í nýrri kvikmynd, Bombshell, sem frumsýnd verður vestra í vikunni, og byggð er á sögu kvennanna sem risu upp gegn kynferðislegri áreitni af hálfu Rogers Ailes, yfirmanns Fox-sjónvarpsstöðvarinnar.
Theron leikur Megyn Kelly og Kidman Gretchen Carlson, sem voru í forgrunni baráttunnar, en persóna Robbie, Kayla Pospisil, er skálduð.
John Lithgow fer með hlutverk Ailes og þurfti víst að gefa sér góðan tíma í förðunarherberginu, þar sem ófáum kílóum var bætt á hann. Leikstjóri Bombshell er Jay Roach.