Kanye og Jay-Z grófu stríðöxina í afmæli
Setja bókamerki
Tónlistarmennirnir Kanye West og Jay-Z virðast hafa grafið stríðsöxina ef marka má myndir úr afmæli tónlistarmannsins Diddy um helgina.
West og Jay-Z heilsuðust, sáust hlæja og spjalla í afmælinu og sátu fyrir á mynd með afmælisbarninu og tónlistarmanninum Pharrel Williams. Diddy hélt upp á 50 ára afmæli sitt um helgina og var öllu frægasta fólkinu í Hollywood boðið í afmælið.
West og eiginkona hans Kim Kardashian West og Jay-Z og eiginkona hans Beyoncé Knowles sátu stutt frá hvert öðru í afmælinu.
West og Jay-Z hafa skotið föstum skotum á hvor annan í gegnum árin. Þeir hafa verið nánir vinir síðan á 10. áratug síðustu aldar þegar þeir unnu saman að tónlist hjá Roc-A-Fella Records.
Þeir unnu saman að plötunni Watch the Throne árið 2011 en slitnaði upp úr vinskapnum eftir að Jay-Z og Beyoncé mættu ekki í brúðkaup West hjónanna. Þau sendu þó góðar kveðjur til brúðhjónanna á stóra deginum.
Árið 2016 brjálaðist West á tónleikum sínum og hraunaði yfir Jay-Z og Beyoncé þar sem þau hafi ekki haft samband við þau eftir að brotist var inn á hótelherbergi Kim Kardashian í París og skartgripum stolið. Hann tuðaði einnig yfir því að dætur þeirra hafi ekki enn leikið saman.
Í kjölfarið gaf Jay-Z út plötu þar sem eitt lagið bar nafnið Kill Jay-Z þar sem hann talaði um hegðun West. Þeir eru einnig sagðir hafa rifist yfir peningum í tenglsum við streymisveituna Tidal.
Hjónin tvö virtust svo vera aftur komin í samband árið 2017 þegar Jay-Z sagði í viðtali við New York Times Magazine að hann elskaði Kanye West en að þeir ættu eftir að ræða nokkur málefni.
Í fyrra birti West svo mynd af Jay-Z og Beyoncé og skrifaði að þau væru fjölskylda hans. Og nú virðist svo allt vera fallið í ljúfa löð á milli þeirra.
Æskuvinur Íslendings myrtur í Noregi
Tveir í bílnum sem lenti utan vegar
„Skýr skilaboð til Seðlabankans“
„Hvílir mikil leynd yfir þessu öllu“
Tóku upp hanskann fyrir leikskólabörn
Hernaðaraðstoð samþykkt – Vopnasendingar í vikunni
Vélsleðaslys: Þyrlan kölluð út á mesta forgangi
Eyjafjarðarbraut lokað vegna alvarlegs umferðarslyss