Leikarinn Duke Nicholson segir afa sinn, leikarann Jack Nicholson vera við góða heilsu. Nicholson eldri hefur lítið verið í sviðsljósinu á síðustu tíu árum en hann dró sig í hlé um 2010.
Jack var sagður glíma við minnisleysi og því hafi hann hætt að taka að sér verkefni. Lítið hefur sést af leikaranum á þessum 9 árum. Hann kom í 40 ára afmælisþátt Saturday Night Live árið 2015.
Hann er mikill aðdándi körfuboltaliðsins Los Angeles Lakers og var fastagestur á heimaleikjum þeirra. Hann hefur þó ekki mætt á leiki síðan í janúar á þessu ári. Fólk og fjölmiðlar voru farin að hafa áhyggjur af heilsu leikarans en hann varð 82 ára á þessu ári.
Í viðtali við The Hollywood Reporter sagði afastrákurinn hans Duke hinsvegar að hann væri við hestaheilsu. Duke er sonur Jennifer Nicholson, elstu dóttur Jack. Hann hefur verið að gera það gott í Hollywood síðustu misseri.