Datt kylliflatur í beinni útsendingu

Sjónvarpsstjarnan Ryan Seacrest byrjaði sjónvarpsárið 2020 á því að detta. Secrest var í beinni útsendingu í þættinum Live With Kelly and Ryan þegar hann féll harkalega úr stól sínum. 

Fallið atvikaðist þannig að Seacrest var að reyna að teygja sig í blöðru þegar hann datt aftur fyrir sig úr stólnum og beint á gólfið. Lá Seacrest kylliflatur þegar samstarfskona hans í þættinum, Kelly Ripa, og annar starfsmaður hjálpaði honum upp. Sjónvarpsstjarnan lét ekki á sig fá og náði blöðrunni sem hann var að teygja sig í í lokin.  

Seacrest deildi atvikinu á samfélagsmiðlum sínum og hefur myndskeiðið fengið mikið áhorf. Fall er fararheill og vonandi verður árið hjá stjörnunni bara betra eftir þetta. 

• Blogga um frétt