Meghan hertogaynja klæddi sig kannski aðeins of vel þegar hún og Harry Bretaprins mættu aftur til starfa á þriðjudaginn. Ekki vildi betur til en stór svitablettur blasti við ljósmyndurum þegar hún fór úr kápunni. Meghan var í brúnum rúllukragabol frá H&M og sást svitabletturinn vel.
Svitabletturinn sýnir að Meghan er bara mannleg þó svo hún sé gift prinsi. Harry var léttklæddari í jakkafötum og fór ekki úr jakkanum svo ekki sást hvort hann hafi svitnað jafnmikið og eiginkona hans.
Nýju myndirnar sýna að tengdadóttir Karls Bretaprins á ekki í vandræðum með að svitna þó svo Andrés Bretaprins, bróðir Karls, segist eiga í vandræðum með það.