Leik- og söngkonan Jennifer Lopez segir að hún hafi eitt sinn íhugað að gerast nektardansmær. Í kvikmyndinni Hustlers sem frumsýnd var síðasta haust fór Lopez með hlutverk nektardansmeyjar.
„Það var tímapunktur í lífi mínu þegar vinkonur mínar, sem voru líka dansarar, sögðu mér að ég gæti fengið þúsundir dala með því að vinna á klúbbi í New Jersey. Þær sögðu að ég þyrfti ekki að vera ber að ofan. Það hljómaði skelfilega vel þegar ég var á kúpunni og borðaði pítsu á hverjum degi, en ég gerði það ekki,“ sagði Lopez í viðtali við W-Magazine.
Lopez hefur áður sagt að það hafi verið mikil áskorun fyrir hana að leika í Hustlers. „Ég var stressuð að taka þátt í þessari mynd því ég hafði aldrei leikið svo dökkan og flókinn persónuleika,“ sagði Lopez.