Hljómsveitin Of Monsters and Men þurfti að aflýsa tónleikum sínum sem áttu að fara fram í Bangkok í gær. Í tilkynningu sem Nanna Bryndís Hilmarsdóttir, söngkona sveitarinnar, sendi inn á aðdáendasíðu sveitarinnar á Instagram er ástæðan heilsufarstengd, eða „medical emergency“ eins og hún orðaði það.
View this post on InstagramA post shared by Of Monsters and Men Army (@ofmonstersandmenarmy) on Jan 12, 2020 at 10:33am PST
Tónleikarnir hefðu verið þeir fyrstu hjá sveitinni í höfuðborg Taílands og segir Nanna Bryndís vonbrigðin vegna þessa vera mikil. Á morgun átti sveitin að koma fram á tónleikum í Hong Kong en þeim hefur einnig verið aflýst og í þeirri tilkynningu kemur fram að einn hljómsveitarmeðlima hafi verið lagður inn á spítala í Bangkok. Engar tilkynningar eða nánari upplýsingar hafa verið gefnar út á síðum sveitarinnar.