Tónlistarmaðurinn síungi Rod Stewart hélt upp á 75 ára afmæli sitt um síðustu helgi. Stewart neyddist til þess að fara í hnéaðgerð nokkrum dögum áður en lét það ekki koma í veg fyrir veisluhöld. Sást hann yfirgefa afmælisveisluna á hækjum að því er fram kemur á vef Daily Mail.
Hin 48 ára gamla eiginkona Stewart, Penny Lancaster, greindi frá aðgerðinni á Instagram. Sagði hún eiginmann sinn hafa útskrifast af spítala á föstudagsmorgni og ætlaði síðan að halda upp á afmælið sama kvöld. Mættu fjölskylda og vinir á Ritz-hótelið í London til að fagna Stewart. Fjölskylda hans er stór en Stewart eignaðist sitt fyrsta barn á unglingsaldri en það yngsta þegar hann var 66 ára.
Aldur er bara tala og þrátt fyrir hnéaðgerð er Stewart á leiðinni í tónleikaferðalag í febrúar. Það er einnig stutt í rokkaratilburðina en í byrjun árs var hann kærður fyrir að kýla öryggisvörð í Bandaríkjunum á gamlárskvöld.
View this post on InstagramA post shared by Penny Lancaster (@penny.lancaster) on Jan 10, 2020 at 8:15am PST
View this post on InstagramNothing but the best for Rods 75th @theritzlondon with family, friends and Celtic themed gifts 💚
A post shared by Penny Lancaster (@penny.lancaster) on Jan 10, 2020 at 3:35pm PST