Harry sinnir konunglegum skyldum einsamall

Prince Harry á spjalli við fyrrverandi ruðningsleikmanninn Gareth Thomas. Harry …
Prince Harry á spjalli við fyrrverandi ruðningsleikmanninn Gareth Thomas. Harry hefur verið dyggur talsmaður ruðningsíþróttarinnar um árabil og mun í dag stjórna drætti í riðla fyrir heimsmeistaramótið sem fram fer á næsta ári. Þetta er í fyrsta sinn sem hann sinnir konunglegri skyldu frá því hertogahjónin tilkynntu að þau ætli að segja sig frá þeim skyldum. AFP

Harry Bretaprins mun í dag koma fram opinberlega í fyrsta sinn eftir að hann og eiginkona hans, Meghan Markle, tilkynntu að þau ætli að segja sig frá öllum konunglegum skyldum. 

Meghan og Archie litli verða ekki með í för þar sem þau eru stödd í Kanada og mun Harry því mæta einn síns liðs þegar hann stýrir drætti í riðlakeppni heimsmeistaramótsins í ruðningi sem fram fer á Englandi á næsta ári. Drátturinn fer fram í Buckingham-höll. 

Sem kunn­ugt er ætla þau Harry og Meg­h­an að breyta hlut­verki sínu inn­an kon­ungs­fjöl­skyld­unn­ar, hætta að sinna kon­ung­leg­um skyldu­störf­um og dvelja bæði í Kan­ada og á Bretlandi á „umbreyt­ingar­tíma­bili“ sem hef­ur hlotið bless­un Elísa­bet­ar Eng­lands­drottn­ing­ar, sem þó sagðist frek­ar hafa kosið að hafa hjón­in áfram við kon­ung­leg skyldu­störf.

Á viðburðinum í dag mun Harry hitta fulltrúa 21 lands sem tekur þátt í mótinu ásamt því sem börn munu leika listir sínar í ruðningi í hallargarðinum. 

Getgátur hafa verið þess efnis að Harry muni fljúga til Kanada til Meghan og Archie eftir viðburðinn í dag en samkvæmt heimildum BBC á prinsinn bókaða nokkra fundi í heimalandinu á næstu vikum. 

mbl.is

Stjörnuspá »

Hrútur

Sign icon Fegurðarskyn þitt er sérstaklega næmt og því er þetta góður dagur til að njóta fegurðarinnar. Eitthvað óvænt gerist sem mun veita þér mikla ánægju.

Stjörnuspá »

Hrútur

Sign icon Fegurðarskyn þitt er sérstaklega næmt og því er þetta góður dagur til að njóta fegurðarinnar. Eitthvað óvænt gerist sem mun veita þér mikla ánægju.