Mætti með 32 árum yngri kærustu

Hinn 59 ára gamli leikari Sean Penn mætti með kærustu sína á góðgerðarkvöld í Los Angeles í vikunni. Kærasta Penn er hin 27 ára gamla leikkona Leila George D'Onofrio. Parið fór að stinga saman nefjum árið 2016 að því fram kemur á vef E! 

Penn og George D'Onofrio eru lítið fyrir að flagga sambandi sínu og vakti það því athygli þegar hún mætti á góðgerðarkvöldið sem hann stýrði. Létu þau mynda sig saman á rauða dreglinum og sátu hlið við hlið á sama borði og Leonardo DiCaprio. 

Kærastan er á svipuðum aldri og börn Penn. Penn á börnin Dylan og Hopper Penn með leikkonunni Robin Wright en þau eru fædd árin 1991 og 1993. 

Leila George D'Onofrio. AFP

• Blogga um frétt