Söngvarinn Bubbi Morthens spilaði mörg af sínum frægustu lögum á tónleikum í Borgarleikhúsinu í dag í tengslum við kynningu á söngleiknum Níu líf, sem byggir á ævi Bubba.
Söngleikurinn verður frumsýndur í Borgarleikhúsinu 13. mars en forsala miða hófst á miðnætti.
Á sýningunni munu leikarar, dansarar, tónlistarmenn og fleiri góðir gestir leggja allt í sölurnar við leitina að „Bubbanum“ í okkur öllum og fylla sviðið með sögum, lögum, ljóðum og litum þessa elskaða og umdeilda listamanns.
Ólafur Egill Egilsson er höfundur söngleiksins og leikstjóri sýningarinnar og leikarar í verkinu eru þau Aron Már Ólafsson, Björn Stefánsson, Esther Talia Casey, Halldóra Geirharðsdóttir, Hjörtur Jóhann Jónsson, Jóhann Sigurðarson, Rakel Björk Björnsdóttir og Valur Freyr Einarsson.