Suðurkóreska kvikmyndin Parasite hlaut verðlaun sem besta kvikmyndin á Screen Actors Guild-verðlaunahátíðinni (SAG-verðlaunahátíðinni) í gærkvöldi. Hún er fyrsta kvikmyndin á erlendu tungumáli til að hljóta þessi verðlaun.
Parasite er einnig tilnefnd til Óskarsverðlauna í flokki bestu kvikmyndarinnar en það hefur ekki gerst oft áður að erlend kvikmynd hljóti tilnefningu í þeim flokki.
Ólíkt því sem gerðist á Golden Globe-verðlaunahátíðinni töluðu leikarar lítið um stjórnmál í þakkarræðum sínum fyrir utan Robert DeNiro sem hlaut heiðursverðlaun hátíðarinnar.
Joaquin Phoenix vann í flokki leikara í aðalhlutverki fyrir hlutverk sitt í kvikmyndinni Joker og leikkonan Renée Zellweger vann í flokki leikkonu í aðahlutverki fyrir hlutverk sitt í kvikmyndinni Judy.
Lista yfir sigurvegara kvöldsins má lesa hér.