Raunveruleikastjarnan og viðskiptakonan Kylie Jenner minntist körfuboltamannsins Kobes Bryants á Instagram í gærkvöldi. Hún fékk þyrluna sem brotlenti með Bryant og átta öðrum innanborðs reglulega leigða.
Jenner sagðist ekki enn trúa því að þetta hræðilega slys hefði orðið og að hugur sinn væri hjá fjölskyldum þeirra sem týndu lífi. Hún bætti við að flugmaðurinn Ara Zobayan hefði verið góður maður, en hann flaug þyrlunni þegar hún leigði hana.
Hún leigði þyrluna síðast í nóvember 2019 þegar hún bauð litlu frænku sinni, Dream, dóttur Robs Kardashians, í þyrluflug á þriggja ára afmælisdaginn.