Leikarinn Vilhelm Neto er trúlofaður kærustu sinni Katrine Gregersen Vedel. Parið breytti sambandsstöðu sinni á Facebook í gær og fengu margar hamingjuóskir í kjölfarið. „En æðislegt! Til hamingju elsku vinir,“ skrifaði meðal annars tónlistarkonan Þórunn Antonía Magnúsdóttir.
Vilhelm Neto hefur skotist hratt upp á stjörnuhimininn í íslensku gríni undanfarin misseri. Hann lék í Áramótaskaupinu árið 2019 auk þess sem leikur hans í auglýsingu Íslandsbanka sem byggð var á íslensku kvikmyndinni Englum alheimsins vakti mikla lukku.