Ríkisstjórnin sendi Hildi hamingjuóskir
Setja bókamerki
Ríkisstjórn Íslands hefur sent Hildi Guðnadóttur, sem vann Óskarsverðlaunin í nótt fyrst Íslendinga, hamingjuóskir.
Þetta segir Katrín Jakobsdóttir forsætisráðherra og nefnir að um mikið afrek sé að ræða sem allir Íslendingar geti verið mjög stoltir af.
„Þetta snertir líka mína taug sem mikill jafnréttissinni. Mér þótti vænt um þessa hvatningu sem hún sendi út í heiminn til kvenna og stúlkna á öllum aldri. Það skiptir verlegu máli og þetta er líka sögulegur viðburður. Það er mjög langt síðan kona hefur fengið þessi verðlaun,“ segir Katrín. „Þetta er stórt afrek í íslenskri tónlistarsögu og líka mikilvægt fyrir konur í tónlist um allan heim.“
Hún bætir við að afrek Hildar minni okkur á hvað tónlistarmenntun á Ísland hefur skilað öflugu tónlistarfólki langt umfram stærð. Ótrúleg verðmæti séu fólgin í því. „Þetta er geggjaður lokakafli á frábæru ferðalagi,“ segir hún um árangur Hildar, sem hefur sópað til sín verðlaunum að undanförnu.
Hætti við að fara á Vestfirði
Til stóð að Katrín yrði á Vestfjörðum í dag í kjördæmavikunni en vegna veðurs og ófærðar var hætt við það og var hún á leiðinni í Borgarnes ásamt öðrum úr þingflokki Vinstri grænna þegar blaðamaður ræddi við hana.
Benda á Samgöngustofu sem bendir út í heim
Hægagangur og vaxandi ókyrrð
Ofsóttur innan veggja Boeing
/frimg/9/40/940831.jpg)
Telur eyðsluna munu rjúka upp úr öllu valdi
Kveðst tala af virðingu: „Ég er enginn dóni“
Þrjú og hálft ár fyrir skotárás í Úlfarsárdal
Fjárfestingin 115 milljarðar króna