Þakkar fyrir tónlistarmenntun hérlendis
Setja bókamerki
Tengdar fréttir
Hildur Guðnadóttir
„Hildur er frábær fyrirmynd og góð áminning um að allt getur gerst ef við leggjum okkur fram,“ segir Lilja Alfreðsdóttir mennta- og menningarmálaráðherra um sigur Hildar Guðnadóttur tónskálds.
Hildur hlaut Óskarsverðlaunin í nótt fyrir tónlist sína í Jókernum en áður hefur hún hlotið fjölda verðlauna fyrir þá tónlist og fyrir tónlist sína í þáttaröðinni Chernobyl.
Lilja segir við tilefnið að innan mennta- og menningarmálaráðuneytisins séu í ferli metnaðarfull áform um að bæta í stuðning við menningu hérlendis.
„Þetta sýnir að við erum að gera góða hluti og ég þakka fyrir þá góðu tónlistarmenntun sem eru í landinu. Ég ítreka, sem mennta- og menningarmálaráðherra, að við viljum bæta enn við í menninguna og erum með metnaðarfull áform innan ráðuneytisins um að styðja enn frekar við málaflokkinn.“
Lilja segir sigurgöngu Hildar magnaða. „Árangur Hildar Guðnadóttur er stórkostlegur og ég óska henni og fjölskyldu hennar innilega til hamingju. Þetta er gríðarleg viðurkenning og henni tókst í nótt að skrifa mikilvægan hluta af íslenskri menningarsögu.“
Tengdar fréttir
Hildur Guðnadóttir
Innviðir þandir og álagið „gríðarlegt“
Myndskeið: Braut rúðurnar og rölti svo í burtu
Fjárfestingin 115 milljarðar króna
Kveðst tala af virðingu: „Ég er enginn dóni“
Þrjú og hálft ár fyrir skotárás í Úlfarsárdal
Aukin tíðni þungunarrofa hjá yngsta aldurshópnum