Ákváðu að skilja í fyrra
Setja bókamerki
Peter Phillips, elsta barnabarn Elísabetar Englandsdrottningar, og eiginkona hans Autumn Phillips hafa sent frá sér yfirlýsingu vegna skilnaðar síns að því fram kemur á vef BBC. Segja þau að skilnaður hafi verið besta lausnin fyrir fjölskylduna en þau eiga tvær dætur saman.
Í yfirlýsingunni er það staðfest það sem áður hafði komið fram í fjölmiðlum, að þau væru skilin að borði og sæng. Hjónin ætla að deila forræði en dætur þeirra eru níu og sjö ára. Fjölskyldur þeirra beggja eru sagðar hafa verið sorgmæddar en sýndu þeim þó fullan stuðning varðandi forræðisfyrirkomulagið.
/frimg/1/4/67/1046785.jpg)
Fram kemur að hjónin hafi greint drottningunni og öðrum í bresku konungsfjölskyldunni frá skilnaðinum í fyrra.
Peter Phillips er sonur Önnu prinsessu og fyrri eiginmanns hennar Mark Phillips en ber ekki konunglegan titil þar sem móðir hans hafnaði slíkum titlum fyrir hönd tveggja barna sinna. Hjónin kynntust í Montreal árið 2003 og giftu sig árið 2008. Það var ekki fyrr en nokkrum vikum eftir að þau hittust fyrst að Autumn áttaði sig á að Peter Phillips væri barnabarn Elísabetar.
/frimg/1/48/74/1487454.jpg)
Heldur inn í nóttina tuttugu kílóum léttari
Tveir í bílnum sem lenti utan vegar
Væri að ljúga ef ég segðist ekki stressaður
Gígbarmurinn hækkað frá því í gær
Skiptir miklu meira máli en fólk grunar