Raunveruleikastjarnan Mama June mun ekki fá krónu fyrir raunveruleikaþættina Mama June From Not to Hot: Family Crisis. 

Mama June mun ekki taka virkan þátt í þáttunum heldur munu þeir fjalla um dætur hennar, Honey Boo Boo og Pumpkin og alla fjölskylduna þar sem þau takast á við fjarveru Mama June og meinta fíkniefnaneyslu hennar. 

Þar sem hún mun ekki sitja fyrir í viðtölum fyrir þættina fær hún ekki samning og því enga peninga. Stikla úr þáttunum birtist á Instagram-síðu Mama June í vikunni en samkvæmt heimildum TMZ birti Mama June sjálf ekki myndbandið heldur umboðsmaður hennar. 

Þættirnir eru framleiddir af WE tv og fara í sýningu í mars. 

Mama June seldi húsið sitt síðasta haust fyrir reiðufé og hefur búið á hótelum hér og þar í Georgíu-ríki síðustu mánuði. Hún hefur verið í slagtogi með kærasta sínum Geno en bæði bíða þau eftir að dómari dæmi í máli þeirra þar sem þau voru handtekin fyrir vörslu á fíkniefnum í fyrra. Mama June hefur einnig sést í stöku spilavíti á síðustu mánuðum og var hent út af hóteli fyrir að geta ekki borgað reikninginn. Þau Geno rústuðu einnig hótelherbergi fyrr á þessu ári. 

Tengdar fréttir

Mama June

Giftu sig aftur

• Giftu sig í leyni eftir sex mánaða samband
• Vill ekki að dóttir sín fari í magaermi
• Barnastjarna fer í magaermi
• Komin með nýjan og yngri kærasta

» Fleiri tengdar fréttir

• Blogga um frétt